Laminatli polning shishishini bartaraf etish

Nam mavsumlarda polning ko‘tarilganini aniqlashingiz mumkin. Gap shundaki, namlik tufayli laminat panellari kengayishi yoki qisqarishi mumkin. Agar bunda panellar devorga juda yaqin joylashgan bo‘lsa, laminat pol bo‘rtib chiqadi.

Polning bo‘rtishini bir necha oddiy harakat bilan bartaraf etish mumkin. Sizga iskana, bolg‘a va ko‘p funksiyali asbob kerak bo‘ladi. Shuningdek, laminat panelining bir qismini (obrezok) tayyorlab qo‘ying.

• Laminatning bir qismini yoki to‘g‘ri plankani olib, pol panellari ustiga qo‘ying. Shunday qilib, qaysi panel ko‘tarilganini aniqlaysiz. Ko‘tarilgan panelni topib, qaysi devor tomonga siljiganini aniqlang. Shu yo‘l bilan qaysi plintusni olib tashlash kerakligini bilib olasiz.
• Bolg‘a va iskana yordamida plintusni oling. Iskanani devor va panel orasiga qo‘ying va bolg‘a bilan iskananing ustki tomoniga urishni boshlang. 
• Plintusni olib tashlaganingizdan so‘ng, qaysi panel devorga juda yaqin joylashganini ko‘rasiz. Qalam va plankani oling. Bo‘rtib chiqqan panelda kesish chizig‘ini chizing. Chiziq siljigan panelga qo‘shni bo‘lgan panellar joylashgan balandlikda o‘tishi kerak.
• Ko‘p funksiyali asbob yordamida panelni chizilgan chiziq bo‘ylab arralang va panelning ortiqcha qismini chiqarib oling. Arralangan changlarni changyutkich bilan tozalang.

Polning tekislanganligiga ishonch hosil qiling. Agar shunday bo‘lsa, plintusni qayta o‘rnatish mumkin. O‘rnatish tartibi haqida ma’lumot olish uchun “Plintuslarni polga o‘rnatish” videosiga qarang.